【本報訊】在人們再次嚷着要移民的年代，女子偏向虎山行，為的不是「搵食」、不是伴侶，而是對粵劇的夢想。在美國出生的李沛妍受父母的耳濡目染，從小對粵劇着迷，大學畢業後放棄工作全力學習，七年前把握機會回港踏台板，同時全力繙譯劇本，最大心願是令粵劇登上國際殿堂，與意大利及百老匯歌劇並駕齊驅。
「細細個已經好鍾意，覺得啲衫好靚、首飾閃閃令，啲歌好好聽。」李沛妍是粵劇名伶李奇峰的獨女，在粵劇圈長大的她，除了愛粵劇角色的裝扮外，更愛唐滌生的劇本，平日在家中不但聽曲，還愛閱讀文本。
譯劇本向國際推廣
在大學修讀中國語言及文學的沛妍，畢業兩年後決定辭工投身粵劇學習，令家人震驚，「我先斬後奏，佢哋以為我玩玩吓，其實我好細個就知道自己鍾意做呢行，如果我嗰刻唔做，過咗呢個機會以後返唔到轉頭。」
今年三十多歲的沛妍在美國完成高中及大學，自言「唔係香港人」，「但做呢行（粵劇）始終要返嚟香港。」她在二○○七年參與中大青年版《帝女花》演員招募，成功入圍，飾演長平公主，正式踏台板，隨後更成立劇團。
回港七年間，她把多個劇本繙譯為英文，演出提供中英文字幕，方便外國觀眾，「粵劇唔係老土落後嘢，平時我哋都會去睇意大利歌劇、Broadway show，點解嚟香港唔可以睇中國戲曲呢？有英文字幕，外國遊客都會有興趣。」她至今繙譯了《斬二王》、《佘太君掛帥》、《洛神》、《辭郎洲》等十多個劇目，部份在農曆年期間在西九戲曲中心粵劇新星展中演出。
沛妍感激家人在精神和經濟上支持她，即使至今仍未收支平衡，她仍可「揀劇本」演出，雖然和其他演員相比自己起步較遲，但不輕言放棄，「尤其係啲體力訓練，會吃力，咪勤力啲囉，柔軟度始終唔夠，就盡量避免一啲動作，呢樣嘢（粵劇）我真係好喜歡，係我自己選擇，幾困難我都會接受，就算整親都冇唔開心。」
■記者張嘉雯
