五歲小孩問，今日是赤口，為什麼赤口，什麼是赤口。
如果是狼振英，他會抽水搶住答：「泛民議員拉布，一拉就赤，肉赤啊，納稅人出糧給他們。本來唔拉唔赤就有樓住，可惜家下唔湯唔水，到你五十歲，肯定都係抽到零居屋！隨時瞓街！小朋友，記得N屆都不要投票給泛民！」
如果是民X聯議員，會做晒主播扮訪問：「赤口？咪即係對嘴咯！對嘴對象，有得三個你揀呀：蔣巴掌、梁尾粉、中黐根。唔係叫你袋住先，是嘴住先，應節。」
當市民是羊牯的政改三人組過年過節參加太多愛國團體賀歲活動，嘴裏生滿痱滋仍不忘忍辱負重硬銷：「赤口，真的很赤痛，比四點鐘許sir更痛。推銷831方案，就跟生痱滋卻要餐餐食羊腩煲那樣，唉，赤口，仍要食住先，口罩都唔敢戴。」（三人同時發毒誓：如果可以戴口罩，會盡情在口罩內赤裸裸講N次仆街！）小朋友，赤口優化，就係粗口！懂嗎？