首先祝大家羊年行大運，馬運亨通，心想事成。賀歲賽當然要講意頭，今期就揀咗三隻意頭馬俾大家參考，希望齊齊過肥年！
「添丁發財」：有咩好呀？梗係好啦！添丁發財喎！上次已經贏得好靚，贏完之後仲要整多課大閘先再跑，肯定有心求連捷，騎練梁家俊、蘇保羅都咁旺，點可以唔沾吓佢哋嘅旺氣呀！
「幸運勝利」：大家都想幸運勝利啦，加上隻馬跑田草2000米準到極，五戰得兩冠兩亞，輸嗰場亦跑第四，今次排一檔又好，篤定可以贏多場。
「好健康」：其實乜都假，最緊要身體健康，呢隻馬跑1400米點準法唔使我多講，亦正係上季賀年盃得主，今年又吼番呢個盃嚟跑，梗係食過翻尋味啦！