拍賀歲片已經變成吳君如在農曆新年的例行公事，今年《12金鴨》初一出爐，君如新年前後的宣傳工作一個接一個，雖然日前君如一家出發到美國探親，不過君如透露出發前夕仍未敢落實，她說：「每年賀歲片做宣傳做到停唔到手，年初四叫我埋位，傳媒年初四返工，即係冇假放。」囡囡陳是知一個月前已經追問媽媽新年旅行大計：「我哋新年去邊？係咪去L.A.？吓！你唔係應承咗我咩？」失憶君如扮儍說：「吓！我應承咗你咩？」囡囡窮追猛打，知道媽媽詐儍扮懵，陳是知扁扁嘴，不太高興，之後君如想辦法打發女兒說：「問吓Daddy先喇！」聰明伶俐的陳是知即刻說：「唔係喎！Daddy話你話事。」結果最後推無可推，成功出發。
飾演貼身金鴨的劉浩龍、銀鴨BabyJohn和閏鴨姜皓文，因合作與君如成為好友，他們三隻鴨仔打算新年跟住「爸爸生」搵食。提到新年的習俗，每家每戶都不一樣，BabyJohn說：「最鍾意就係落雞蛋煎年糕。」劉浩龍說：「XO醬蘿蔔糕炒年糕，仲要同屋企人斟茶拜個早年。」姜皓文則說：「我除咗周圍拜年之外，就係要食撈起，盤滿缽滿。」
採訪：魯萍
攝影：周樂恒