張家輝自轉拍正劇風格的電影取得成功，成為影帝級演員後，外間對他有過誤解，以為他非常抗拒再拍喜劇，其實家輝並不抗拒，怕的只是不斷重演如化骨龍一類的角色。家輝在賀歲喜劇《賭城風雲Ⅱ》雖與周潤發演對手戲，他坦言跟發哥合作很開心，更笑言發嫂也為電影付出不少。至於發哥曾拿「張七帝」開玩笑，家輝笑謂：「算吧啦！發哥直情唔使用獎項證明自己啦！」
撰文：文國駿
張家輝日前接受本報專訪時談到接拍《賭城風雲Ⅱ》的原因，他直言：「我接戲前先問咗係咪要做好似化骨龍嗰類嘅角色，如果係我興趣就唔大喇。咁原來我係戲入面做一個幫犯罪集團嘅會計師，之後醒覺唔可以再幫佢哋做嘢，逃亡中就遇到發哥。我角色係食腦嘅人，連爆炸品都識整，計算又好準確，呢啲設定令我想拍。我唔知自己算唔算係食腦，但我覺得香港電影趨勢係放落動腦筋，多啲設計，思考度高令新鮮感多，好過只係出嚟打打殺殺，或者大路動作、悲情戲。」
張家輝日前接受本報專訪時談到接拍《賭城風雲Ⅱ》的原因，他直言：「我接戲前先問咗係咪要做好似化骨龍嗰類嘅角色，如果係我興趣就唔大喇。咁原來我係戲入面做一個幫犯罪集團嘅會計師，之後醒覺唔可以再幫佢哋做嘢，逃亡中就遇到發哥。我角色係食腦嘅人，連爆炸品都識整，計算又好準確，呢啲設定令我想拍。我唔知自己算唔算係食腦，但我覺得香港電影趨勢係放落動腦筋，多啲設計，思考度高令新鮮感多，好過只係出嚟打打殺殺，或者大路動作、悲情戲。」
輸畀外國片攞嚟講
截至前日，《賭城Ⅱ》票房收約三百一十萬，家輝笑言今次拍攝好舒服：「因為呢套電影個預算都幾豪華，劉偉強操控又好，好有信心地安排拍攝每一個場口嘅需要，唔計荷李活，華人商業片嚟講都係大片。」談到荷李活，問到家輝早前立法會議員葉劉淑儀評港產片「唔夠《Transformers》（變形金剛）鬥」，家輝坦言：「我覺得睬你都儍啦，你講緊《變形金剛》預算大到咁，人哋美國市場容納咁大，即係人哋着皮褸我鍾意牛仔褸呀，市場消化到幾多咪幾多囉，各地區有各長處，唔使去比較，我覺得係攞嚟講。」
問到家輝覺得發哥主演的《賭神》對港產電影的意義時，他指：「呢樣嘢係無可取代，我仲記得嗰陣係戲院外排晒隊，《賭神》以外發哥仲有好多華麗作品都係深深影響我，雖然嗰時我冇諗住做演員，但呢啲係一個經典回憶，無法取代。」跟發哥合作，家輝表示：「開心呀，開頭以為發哥會好嚴肅，點知喺片場都係笑騎騎。除此之外其實發嫂都幫咗套戲好多，好似佢喺戲外照顧飾演我囡囡嘅小演員。嗰位小演員得四歲肯定難𠱁，我收工仲要同佢落泳池游水溝通吓，不過佢係聰明可愛嘅。」
被封張七帝勿鬆懈
對於早前發哥在宣傳活動中拿家輝「張七帝」的稱號開玩笑，家輝笑言：「算吧啦，你覺得佢仲需要獎嚟證明自己咩？其實俾人咁叫都冇壓力嘅，都係人哋誇獎你，自己唔會認真，都係人哋支持讚賞，又唔會話做咗影帝就功力大增，都係要自己去創作設計同喺思考上花功夫，自己𠵱然拍每部戲都會埋頭埋腦鋤落去。我仲記得拎完金馬獎後即時拋諸腦後，因為要返香港拍戲，唔可以鬆懈，因為攝錄機一開，就要認真同專業，唔可以俾其他嘢左右到。」
髮型：Jeff Wu
化妝：Midco Chu
場地：E-Max
