【本報訊】署理行政長官林鄭月娥（圖）昨到大埔林村，主持許願節開幕禮，趁機呼籲市民支持通過政改方案。她說，若泛民議員只為告訴中央不接受人大的八三一框架，是不切實際。
祈願政通人和
林鄭月娥昨致辭時，指羊年是香港民主發展關鍵的一年，呼籲各界務實討論，「如果大家都希望落實普選，除咗可以喺許願寶牒寫低呢個願望之外，更加重要係向民意代表、立法會議員表達呢個願望」。她在揮春寫下「政通人和」，其後被繫在許願燈上吊到燈棚內。
她稱，留意到泛民對於與中央官員就政改問題會面持開放態度，政府官員早前訪京提及有關建議，亦獲正面回應。不過，她指若泛民只為告訴中央不接受八三一決定，「咁呢個態度就唔係好積極，亦都唔係好切合實際」。
劉慧卿反駁稱，如果林鄭硬要泛民不能談反對八三一人大常委會規定，民主黨大可不出席會面：「咁就冇辦法，我哋係想講畀中央聽個困局，如果要好似佢咁講，唔講得八三一嘅話，唔見咪唔見囉。」她指，林鄭經常要求泛民不能有前設，但林鄭自己也要求泛民不能反對八三一這個決定，反問對方為何不能放下這前設。
■記者朱雋穎