日本重口味女團假面女子早前靠單曲《元氣種》登上銷量榜冠軍，令呢隊由三組秋葉原組合Steam Girls、Alice十番、Armor Girls組成嘅蒙面軍團成功上位，而且仲傳出成員被迫進行不道德交易嘅消息㖭！
假面女子嘅19歲I Cup主將天木純，以童顏巨乳形象深受當地毒男熱捧，以天乳自居嘅佢，唔止被漫畫雜誌讀者選為今年嘅水着天后，天木仲會同隊友立花杏奈、神谷惠里奈一齊推出假面女子嘅首本寫真集《水着假面》，佢哋三個例牌用面具笠住上陣，又用面具遮胸，呢種另類偶像，真係唔係個個都頂得順。
天木為谷呢本寫真集，今個星期六會搞公開活動見fans，到時手仔任握，肯定又吸引唔少宅男出動。