星期二進行嘅另一場歐聯十六強賽事，德甲班霸拜仁慕尼黑遠征烏克蘭鬥薩克達互無紀錄，和波收場。今場波作為個人第一百次歐聯上陣嘅中場沙比阿朗素（箭嘴示）兩黃一紅被逐，新年收張紅牌贈興。
沙比阿朗素曾經分別代表皇蘇、利物浦同皇馬踢歐聯，今場波就係佢個人歷來第一百場歐聯比賽；可惜冇建樹之餘，更喺六十五分鐘夾硬侵犯對手泰巴些路斯，拎第二面黃牌，累積兩黃一紅出場，搞到踢少個，換入羅拔利雲度夫斯基都冇辦法打破僵局。
對住接近兩個月冇踢過正式比賽嘅薩克達，拜仁都踢成0:0老鼠拉龜，教頭哥迪奧拿喺賽後竟然仲敢話滿意球員嘅表現：「我哋今場波嘅目標就係要阻止對手打快攻反擊，所以我都幾高興，班球員可以令到對手成場波都冇入球機會。」
識睇，一定係睇足英台【英波Live】：
http://soccer.appledaily.com
http://bit.ly/engballlive