第二十四齣占士邦電影《Spectre》連番惹風波，之前因為Sony被黑客入侵搞到外洩劇本，日前又傳出丹尼爾基格（Daniel Craig 圖）扮演嘅007於英國片廠拍攝動作場面時整傷膝頭，傷勢比想像中嚴重而要停工。
而昨日又再傳出於奧地利拍攝場地，特技演員演出動作場面時所駕駛嘅車，喺高速行駛嗰陣，衝咗入工作人員度，有至少兩位工作人員受傷，仲有人捲入車底，據知助導Terry Madden身上仲有多處骨折，要即刻用直升機送去醫院，而禍不單行，今次意外令拍攝器材都撞爛咗，所以拍咗嘅片段都用唔番，𠵱家要焗住停工，好多人都話呢齣邦片受到詛咒！
撰文：李村姑