英國女星姬拉麗莉（右）近排大住個肚都要四出宣傳電影《解碼遊戲》，噚日佢上咗女同志名嘴艾倫狄格勒絲個節目做嘉賓，一直都好愛飲酒嘅姬拉，好想快啲生個B出嚟，就可以嘆雞尾酒。
艾倫即送上改裝BB床畀佢，上面係BB床，下面竟然係酒櫃，而且架車仲配備咗一個面罩，用嚟防止BB射尿，認真有諗頭，令姬拉都忍唔住即刻試戴（圖）！
