國家前副主席曾慶紅姪女曾寶寶創立嘅內房花樣年（1777），今年初爆出有四個深圳「花鄉家園」單位被當局鎖定，當時市場恐懼佳兆業（1638）風波重演，恐慌性拋售花樣年股票，後來證實花樣年一早賣咗嗰四個單位，先至稍為止血。
噚日花樣年又搞花樣，獨董許權辭任後，公司委任長江商學院副院長廖建文同港大校董會會員兼大律師王沛詩做獨董，似係想搵猛人做獨董，加強小股東對公司嘅管治信心。
特別想提係呢位長江商學院副院長廖建文，大家都知長江商學盛產美女、才女，唔少明星都讀過，好似同導演陳可辛傳過緋聞嘅內地演員田朴珺，香港代表就有葉璇。究竟呢位副院長可以為花樣年提供點樣嘅意見呢？