港交所（388）行政總裁李小加同主席周松崗過往拜年都好例牌，影張揮春相就算數。今年終於貼市啲，好似英美駐港領事咁，拍片上載喺YouTube嘅港交所官方頻道，同各界拜早年。
片中周松崗包辦廣東話同英文版本，李小加當然就講普通話，祝大家「生財有道」，佢仲好畀心機咁練咗兩句廣東話，話「恭he發財，大吉大lee」，雖然講到唔鹹唔淡，都幾可愛吖。
李小加本身祖籍東北，北京出世，喺福建廈門讀大學，聽聞佢嘅閩南話都唔失禮，佢下次可以講埋閩南話喎。
港交所呢個YouTube頻道多數播放嘅短片通常好資訊性，好似教育電視咁，小加平時咁玩得，會唔會考慮新一年，去盡啲，仿效友邦（1299）管理層，以勁歌熱舞或者Rap番幾句講「乜港通」呢？