阿里巴巴創辦人馬雲係咪鍾意撩交打呢？話說來自美國嘅call的app Uber上周三搞免費的士日，畀用戶搭兩程免費的士，每程補貼上限二百蚊。阿里旗下的快的Taxi噚日就話，初一至初八，在港派八千八百八十八封利是，每封二百零八蚊，仲喺SMS特登列明「200蚊唔夠喉？」擺明串Uber，要豪佢八蚊喇。
不過快的Taxi嘅操作比較麻煩，用戶要喺晚上八點準時登入佢個app，再喺積分商城入面用一百分虛擬積分，先可以兌換到利是。成功搶到利是嘅用戶，可以選擇親身去門店，或者銀行過戶，先可以將二百零八蚊袋袋平安。
雖然話用一次app就可以攞到一百分虛擬積分，但係步驟實在繁複，點都唔夠Uber直接回饋用戶咁方便。