狼英政府為了讓親生仔創科局順利出世，聲稱它對香港發展非常重要，但「創意」最重要的是人腦，不是一個「局」。一位香港音響人，親創自家播放器，堅持「香港出品」四個大字，不怕會被歧視，無懼滿途荊棘。
記者：韓繼聰
攝影：劉永發、陳永威
吳庭劍（Travis）的公司HUM在香港音響界其實薄有名氣，開業五年多，曾推出過癮好玩的易極盒DIY隨身耳擴，亦有近年大熱的耳機訂製及改模服務，就連歌手陳奐仁也在演唱會使用他出品的耳機。Travis說：「其實喺二○一二年就計劃推出Pervasion，當時高階播放器嘅選擇好少，價錢又高，所以決定自行開發一部真正方便攜帶、操作同音質都更有質素嘅播放器。」
內地人出賣 港人歧視
可惜開發過程太多阻滯，尤其當年技術並不成熟，CPU便反覆嘗試了三款才滿意。當然，資金不足亦是主因，零件製作費十分高昂，更慘是被內地人出賣，「明明簽晒單打晒板，突然一句話我哋訂貨太少，唔做，咁都得！」
然而，港人歧視港牌比內地商人欠缺道德更令人洩氣。「試過推出耳擴，俾意大利品牌睇中拎嚟做OEM（代工生產）。結果有啲客見到我哋嘅產品，話我哋一定係翻版。明明完全一樣嘅機，但試聽之後點都話意大利嘅較好聲，真吹脹。」
血淚史一籮籮，但無阻Travis以港牌闖關的決心，「其實我可選擇將產品帶到日本，以日牌掛帥，賣價更高推銷更易，不過我總希望證明港牌都可以靚聲。」偏向虎山行，換來推出日期一再延後，高級播放器早已成行成市，大部份更開始玩24-bit。「我坦承Pervasion係有啲落後，但必須強調嘅是，正如相機像素唔完全等同質素，24-bit質素係咪一定比16-bit好？我敢講佢能夠完全發揮16-bit最優質嘅音色，加上價錢平，性價比絕對高！」
據他說，Pervasion可說是「堆料」（意即用料零件靚），用上WM8741芯片、貴價電容及0.5ppm。而在有效控制發熱情況下，運算放大器OP-AMP的工作電壓更升壓至正負8V，比一般的正負5V更「好聲」，電源設計相當好。
記者短評：力水足人聲暖
親自試機個多星期，試聽同一音源，Pervasion的質素的確較一般手機好，夠力之餘，人聲溫暖，音樂感十足。加上體積比高階播放器小，易於攜帶，Android介面亦頗易用，適合初接觸高階手提音響的玩家。但電量不多，連續播放時間約只有六小時。
查詢： http://hum.hk