日本組合假面女子早前火速冒起，單曲《元氣種》仲登上銷量榜冠軍，令呢隊幪面女團忽然上位。點知當假面女子事業開始有起色，就有幾個新舊成員早排向傳媒爆料，指證事務所社長池田正流迫成員進行不道德交易，有少女仲要陪其他老細上床㖭！
事隔一個月，假面女子嘅巨乳成員天木純，終於接受訪問，開腔否認陪瞓傳聞，仲話得到廣大fans嘅信任，令佢感到好放心喎！擁有I Cup上圍嘅天木純只得19歲，由於佢副童顏似足AKB48主將渡邊麻友初出道時嘅形象，所以獲宅男封為「巨乳版渡邊麻友」，令佢呢期成為宅男新寵，仲獲漫畫雜誌讀者選為今年嘅水着天后。