社民連在一眾政黨中吸金能力算唔錯，不過今年維園年宵，就被指出售一款「撐普選銅傘掛飾」時候侵權同斂財。話說呢款銅傘掛飾係雨傘運動支持者製作，以「同傘」命名，原創者指「同傘」唔屬於任何政治團體，佢本身已唔收人工、車費，不牟利以推動雨傘運動，任何人及團體轉售時，都講明會原價及非牟利條件，不作政治籌款，所以要求社民連停止侵權，同時以原價二元五角出售。
社民連拿拿臨解釋，話有熱心義工捐咗三百件「同傘」，話係集體訂購，所以該黨先會將飾物包裝後，以每件八十元於年宵義賣籌款，實屬一場誤會，除咗就事件道歉，嚟緊會將餘下「同傘」包裝上加番原作者，並免費派發，一切收入入扣除成本後交畀原作者，希望佢哋可以製作更多產品，延續雨傘精神。