【本報訊】一個「起動九龍東」概念，令九龍灣及觀塘兩大舊廠區起了翻天覆地的變化。不過，到底可以助長到誰人起動，會否最終成為大財團「壟斷九龍東」，中小企以至小商戶「無碇企」？有學者就指出，小商戶先要有一個「自己唔係弱者」的心態，方可在九龍東「發圍」。
勿自認弱者
要在九龍東找商機，大財團佔有的優勢當然就是人力物力。不過，中大市場學系教授冼日明認為，既然地產商「幾時都係有優勢」，但小商戶想找生機，要有一個「自己唔係弱者」的心態，更加不可以有一個「被害者的心態」，冼日明強調，「做生意，錢只是一部份……產品價值才可反映一切」。
懂得另闢藍海策略，開發全新市場，才是上策。「如果人賣魚蛋粉，你又賣魚蛋粉，你一定被圍攻，除非你有信心做出得好過人」。
由學者的分析，可以解讀出，要在九龍東突圍，飲食業肯定不是藍海，除非本身的食品好有獨特性；而同區工廈近年來多了不少化妝品店、冷凍食品分銷等行業進駐，前者大可吸引女性市場，不愁沒有商機。
但關鍵在於，是如何吸引女性走入去九龍東找化妝品，即是小商戶都需要一個有時代感的地區品牌效應，亦即是話，小商戶都需要「起動九龍東」概念去支撐，把握到的話，不會「無碇企」。
■記者程俊華