【難掩悲痛】
「都已經六年，應該放低嘅，我個人嚟講就已經放低咗件事，對佢（羅少權）亦都冇話有憎恨或仇怨。」車禍死者馮志偉（三十一歲）的叔父馮建成當年曾跪求到場視察的前特首曾蔭權，聲淚俱下要求嚴懲酒駕。事隔六年，他聲稱對悲劇已放低，寄語駕車者：「飲咗酒唔清醒，就唔好揸車。」
當年跪曾蔭權呼冤
當年跪求曾蔭權，為慘死姪兒馮志偉及其他扎鐵工友灑淚呼冤的馮建成，接受《蘋果》電話訪問時表示，肇事司機羅少權肯定有錯，但他已受法律制裁，經過六年牢獄生涯，「所以都冇乜好嬲，我都放低咗件事」。（係咪已經原諒佢？）「私人嚟講，我對佢已經冇恨，平常心，但唔代表其他死者家屬意見。」
「唔應該發生嘅事情都已經發生，人命係補償唔到㗎喇。」馮建成語氣相當平淡，但仍難掩失去親人的悲痛，「呢件事之後，酒駕變成一種好嚴重嘅罪行，再發生同類案件，司機都受到嚴厲懲罰，但係佢哋（死者）就付出好大代價。」
馮希望駕駛人士切勿重蹈覆轍，飲酒後或者在不清醒狀態，切勿駕駛。至於姪兒志偉遺下的小孤雛，馮建成稱姪孫事後跟隨母親一起生活，當年僅十歲的姪孫，已清楚整件事的來龍去脈，有時甚至會向同學講述事件。至於車禍中另一死者張榆霖（四十七歲），其女兒表示不欲再談事件，婉拒記者訪問。
■記者李豪杰