結婚3年幾，睇落就好恩愛嘅王浩信同陳自瑤，早前就有報道指佢哋出現第三者黃心穎(新聞連結： http://bit.ly/1uUqXaY )。而喺昨日情人節，佢哋三個嘅微博，都有少少古怪。
先係王浩信，佢就貼咗一張自拍：「情人節快樂！不要@她。」情人節都唔係同老婆影相，仲要話不「@」她，但係有網民就留言「@」番陳自瑤。
而老婆陳自瑤呢，未幾就於微博又係貼一張自拍相：「祝大家情人節快樂！@誰好呢？」又係唔「@」老公，仲要問「@」邊個好，真係古怪。不過，佢兩公婆似乎只係順住單緋聞同大家開個玩笑，等大家喺微博個po @番對方個名，換言之隔空耍花槍而已。
而呢段緋聞嘅第三位主角黃心穎，就貼咗4張啜爆相，就話：「Free kisses, available for a limited time only.」唔知個「Free kisses」係畀邊個呢？