王祖藍迎娶鬼妹仔李亞男一樣做依照中國傳統習俗接新娘，昨晨一行八兄弟衝去搶新娘，據悉，十人姊妹團朱璇、陳美詩、鍾嘉欣、苟芸慧、宋熙年、王君馨及岑麗香等姊妹團收到九千九百九十九元開門利是。她們準備多個遊戲考驗祖藍，祖藍即場着底褲行石春路，食榴槤和納豆，肌肉上身宣讀誓言等，玩足一個鐘，終於抱得女人歸。之後穿上火紅色低胸長裙襯銀色平底鞋的亞男拖着王祖藍乘坐掛上「HANDELA」車牌的Tesla純白花車直駛九龍城浸信會行禮。
兄弟之一的阮兆祥被問到接新娘的過程，他說：「預咗咁㗎啦！大家都係湊吓熱鬧氣氛，鬥吓嘴，都係嗰啲丁字褲、口水肩，仲有啲考體力嘅遊戲，對張繼聰同李思捷嚟講都幾係嘢嘅，因為考腰力，祖藍仲要孭住阿Bob行石春路，又要答問題，答啱先可以行前一步。但大家都甘心被玩。」