房祖名半年牢獄刑滿，昨日召開記者會，坦白承認過錯，並向社會大眾鞠躬道歉，獲圈中人支持讚乖。
譚詠麟（阿倫）
「祖名係乖嘅，阿嬌（林鳳嬌）教得好，希望佢經一事長一智要識諗，最重要阿嬌可以放下心頭大石，之前聽講話喺嗰段時間，阿嬌好似祖名咁一樣唔出街，呢啲就係家長嘅壓力。不過我就冇聽過祖名會長居台灣。」
錢嘉樂
「有睇吓個新聞，未傳短訊畀佢，都會問候吓，始終覺得應該畀機會年輕人，希望佢哋家庭重聚，過番一個開心新年。」
洪天明
「啱啱發生事嗰時，有傳過短訊畀佢，不過應該未必收到，我最細個細佬同佢好friend，因為係成龍契仔，佢哋喺北京成日一齊，我諗呢個時候唔好打擾佢，等佢安頓好先。」
【網友心聲】「發言稿都沒背熟」
羅小羅：「支持你離開公眾視線！」
mofei0625：「主動認錯並不難看！」
新概念99：「大哥這發言稿都沒背熟啊就出來了？真丟老子的架。」
劉冬燕23：「何必呢？你們這樣對他很不公平啊，人家也不想道歉啊，誰叫他爸爸是成龍啊！」
請你喝咖啡71430：「其實你沒有必要向公眾道歉，你又沒有損害公眾利益。」
丹丹和叮噹：「錯了就改，改了再犯，犯了再改………」
Nh_似水柔情：「有錯就改，還是好孩子。」
來源：新浪娛樂