《DDED》兩位主腦放棄廣告界正職，自己出嚟自立門戶，唔通廣告界真係咁惡撈？揸fit人Albert就話︰「呢個moment係最好嘅時機，因為主要靠網絡呢個渠道，門檻實在太低喇！任何人只要有idea，就可以放作品上網，件事做得好，就自然可以spread開去！就可以出名！」
學Andy Warhol話齋，世界進入咗「人人都可以成名十五分鐘」嘅年代，但係成名之後，點樣keep落去先係真正學問。Tanya就話︰「你o依家紅咗就搵你箒，但有冇諗過呢種方式，其實好短暫，因為𠵱家成個生態，都係快得好犀利㗎！」
Albert就大無畏咁話︰「呢個係所有創作人都要面對嘅問題，就算你係一個小說家一個導演，都唔可以不停咁食老本㗎嘛！一定要不停諗有乜嘢新idea可以玩！」講到「食老本」三個字，小編突然就想起幾個大型傳統媒體，如果佢哋都聽到呢位年輕人嘅說話，唔知識唔識得汗顏？
星期五六日《亂噏24》！創意就係不停戰鬥！