聽戀愛專家教落，只要伴侶肯帶你見一大班朋友，就可以鎖定「正印」身份，拜仁慕尼黑中場舒韋恩史迪加就做個好示範！上周六德甲贏完史特加兩粒後， 「小豬」同成班隊友扮鬼扮馬，出席緋聞女友、靚女網球手伊娃諾域在慕尼黑開的派對。見到羅拔利雲度夫斯基、紐亞同馬里奧葛斯扮成三劍客，沙比阿朗素變身英倫紳士，還有查維馬天尼斯似足《反斗奇兵》胡迪支持，就算黐假鬚的小豬及戴眼罩的伊娃前後腳到場，相信兩位在場內一定很甜蜜！