新年仲未到，會展中心董事總經理梅李玉霞Monica急不及待變身「利是封」，噚日以一襲大紅套裝同傳媒午宴，提早同大家拜年。原來踏入二月，就係Monica進駐會展嘅第廿一年，呢位會展一姐認真長情。
新一年會展有咩搞作？除咗繼續搞好展覽，Monica話，會展嘅餐飲服務同水準要繼續升呢，佢哋不停派餐飲部員工去外國取經，睇吓人哋會展業嘅餐飲配套，甚至派員去野生菌菇好出名嘅雲南，但唔係叫佢哋試食，而係親力親為摘菇，咁就更加了解呢啲菌菇嘅特性。會展提醒大家，巴塞爾藝術展今年起會由過往五月改為三月中舉行，Art Basel粉絲注意嘞！