人民力量立法會議員「慢必」陳志全噚日下晝，突然喺facebook上載一幅同美國駐港總領事夏千福嘅合照，話同千福BB喺立法會茶敍密斟。慢必事後透露，會上千福BB對政改絕口不提，最關心係立法會審議緊嘅版權修訂條例，因為香港有好多美國嘅版權擁有人，希望條例能盡快通過。
慢必又話，千福BB其實約咗佢好耐，但佢到噚日先抽到時間，同千福BB茶敍一粒鐘，席間未作出任何承諾。佢解釋，上次審議政府「網絡廿三條」經驗，令佢明白魔鬼在細節，所以今次一定要幫班網民贒到實，唔會求其就支持通過，又指席間同千福BB傾閒偈居多，兩人各飲一杯咖啡就散場。