【本報訊】立法會昨辯論施政報告致謝議案時，泛民與建制派議員就政府涉嫌干預港大委任陳文敏出任副校長一事互轟。工黨主席李卓人會上要求與會的政務司司長林鄭月娥回應，港府官員有沒有致電港大委員會，要求委員不要支持陳文敏出任副校長，「司長你敢唔敢面對市民呢方面質詢？請你哋唔好講大話」。但林鄭與一眾官員直至會議結束，均未有回應陳文敏事件。
「方丈好恐怖」
公民黨議員郭家麒會上指，梁振英早前抹黑港大學生會刊物《學苑》後，近日又向陳文敏「開刀」，質疑梁有意「染紅所有大學」，力斥梁「真係衰到冇人有」；公民黨陳家洛亦批評「方丈（梁振英）份人唔只小器，有時仲好恐怖」。
民建聯主席譚耀宗則疑現時是有人「驚選唔上，又製造啲藉口、砌詞，話係被打壓」，批評泛民是雙重標準，「人哋質疑、細細聲講吓都唔得，咁有冇言論自由呀？」他又稱對陳文敏能出任副校長「冇乜懷疑」，「所以佢啲支持者唔使咁擔心，其實法律學院院長過去所作所為，外界都不同意見，大家自有公論」。
■記者林俊謙