有愛人嘅話，就話要諗情人節去邊好箒；若然好似律政司司長袁國強咁係單身一族嘅話，喺呢個一雙一對嘅節日，寄情工作咪仲輕鬆。政府新聞處噚日公佈，袁國強今日啟程訪問印度新德里，出席亞洲太平洋國際調解𥧌會，並會喺會上發表主題演說，推廣香港嘅國際法律同解決爭議服務。
袁國強訪印期間，亦會同聯合國國際貿易法委員會秘書長Renaud Sorieul以及印度司法部長Shri D V Sadananda Gowda會面，當然會順道拜訪中國駐印度大使樂玉成，更會到訪德里國際仲裁中心，佢會喺十七號、即係年廿九上午返港，趕得切返香港過農曆新年。