【本報訊】舊債未清，又添新數。通訊事務管理局昨公佈，亞洲電視因拖欠暫定可變動費用，又被罰款十萬元。主要投資者王征（圖）則聲稱願意借出一千五百六十萬元，條件是主要股東蔡衍明再注資一千四百四十萬元。
拖欠牌費再罰十萬
暫定可變動費用是根據免費電視播放的節目時數而收費，根據《廣播規例》，亞視須在牌照年度開始之後六十日內、即一月三十日前，向通訊局繳付該筆為數逾二百八十萬元的費用。亞視在通訊局催繳下仍未繳費，通訊局決定向亞視施加港幣十萬元罰款。
名媛趙曾學韞前日提出一人一股的集資方案，但被質疑犯法。亞視執行董事葉家寶昨日稱：「呢個唔係我哋亞視諗出嚟，係趙太（趙曾學韞）見到員工出唔到糧，唔係搵人嚟擴大股權，係按正手續，合情合理合法。不過要法例完備先可以啟動整個集資，超過五十人成為股東，要求證監申請，睇吓有冇方法變通。」
葉家寶亦透露，管理層已向股東聯署，希望股東正視發薪同牌費問題：「今日同黃炳均、王征傾過，佢哋認可如果蔡衍明先生肯注資，王征先生都願意用借貸形式，再注資一千五百六十萬。」
■記者張俊銘、王連連、譚倩宜