禮拜日沙田八草兩泥賽事，草地用全闊A跑道，睇番上季2月16日主席短途獎及經典盃賽日亦是用A欄作賽，當日雖然有「福毅」及「川河首駒」放頭帶到，不過整體上仍以居中後上較佳，尤其係1400或以上中距離賽，分別有「威祥」、「信是有緣」、「勝風」、「威爾頓」及「貳寶」入直路後從中後位置衝上反先對手勝出，要優先留意靠後勁食糊之馬匹。
今戰列陣馬中，第三場「金龍」上仗正是於田A欄上名，等番同一移欄再跑有心求補中。另外，第八場「貝連利」三次角逐田A欄1400米兩度勝出，後追馬憑跑道形勢之助可坐位望贏。
至於兩場泥地都係跑一哩，近期此程大利後上馬，如「準備就緒」、「好爽趣」及「藍色海灣」俱如此跑法下勝出，第四場「奪目商人」及第六場「至勝威龍」等擅跑泥地之後上馬值得優先捧場。