隔牆有耳:扶輪馬拉松衝龍和道 - 李八方

隔牆有耳:
扶輪馬拉松衝龍和道 - 李八方

佔領期間,中環龍和道係「慈母」同佔領人士嘅攻防主戰場,事隔幾個月,市民又有機會喺龍和道衝衝衝喇!唔好誤會,八方講緊嘅係三月一日由國際扶輪3450地區同香港業餘田徑總會舉辦嘅「扶輪香港超馬拉松2015」,喺龍和道舉行香港首個認可嘅五十公里超級馬拉松賽事。今次比賽接受約一千名跑手參加,包括五十公里個人賽同五十公里團體隊際接力賽,後者規定四至八人參賽。點解揀龍和道?籌備委員會主席麥振業話,經過多番考察,認為龍和道位處香港經濟命脈嘅中環、金鐘交界,好適合搞大型賽事,仲話今次第一次搞就以五十公里作試點,未來幾年賽事目標會循序漸進到一百公里。