【本報訊】特首梁振英在施政報告炮轟香港大學學生會官方刊物《學苑》探討港獨的文章，並要求政界人士勸阻，被指踐踏言論自由。言論自由是否沒有底線？浸會大學政治及國際關係學系副教授陳家洛指出，有關統獨問題的討論，有其憲制、社會及政治價值，且沒對任何人構成傷害，沒任何理據作出限制。
斥梁低層次政治操作
陳家洛引述英國哲學家John Stuart Mill的著作《On Liberty》（《論自由》）指出，堅持言論自由，是為了尋求真理，一個人的言論可以出錯，但只要有言論自由，就能透過持續的討論去糾正錯誤。「喺中世紀保守天主教會唔肯接受地球係圍繞住太陽轉，科學家因而受到打壓。社會要進步，就必須保障言論自由，那管好唔啱聽、好敏感」。
陳續稱，《On Liberty》一書也討論到言論自由也有底線，就是Harm Principle，即言論本身，會否直接構成對一個人的自由、基本權利有傷害。如觸及這底線，才可討論應否對有關言論作出一定的限制，但這門檻高。他反問，有關香港、台灣統獨問題的討論，究竟對誰構成過傷害？「除咗對當權者面子、對權貴造成不安，睇唔到有乜直接傷害。梁振英同梁粉係咁鬧，係低層次嘅政治操作，冇顧及言論自由嘅原則」。
■記者雷子樂