2014喺網上爆紅嘅單位有好多，其中《DDED》呢四個字，相信你總有機會聽過！今輯《亂噏24》繼續網上尋寶，搵嚟網上大熱單位《DDED》，由「爛尾紅VAN」動畫開始嶄露頭角，直到「話你傻豬怕你嬲」MV被封為網上神曲，再去到今時今日出埋figure網上熱賣，呢個單位究竟係何方神聖？
《亂噏24》請到《DDED》兩位主腦——Albert同Eric上嚟齊齊亂噏！Albert就話有少少無心插柳︰「當初真係好hea，因為只當係個實驗，唔敢投放太多精力落去，純粹係收工之後幾個鐘先可以做呢啲！我哋又懶醒，覺得o依家啲人，太長嘅片唔會睇o架喇，睇幾秒就算，所以先做咗啲五秒嘅動畫！」
做得好嘅，觀眾又點捨得睇幾秒就算？原來Albert一直都唔敢認自己背後做呢啲片，直到Albert「爛尾紅VAN」有不俗反應，先夠膽「出櫃」咋！拍檔Eric就爆︰「佢一路唔敢講條片係佢做o架！」Albert就接住話︰「因為驚佢覺得低b吖嘛！」
星期五六日《亂噏24》！8-bit動畫紅爆網絡！