梁振英次女梁齊昕據稱會登上大銀幕拍戲喎，唔少政界中人都好關注。曾經拍過電影嘅新民黨主席葉劉淑儀話喎，如果齊昕喺呢套新戲入面嘅父親，由相當打得、有背景人士陳惠敏飾演，相信會令特首家庭十分尷尬。被問到電影公司係咪抽水？葉劉笑晒話：「全世界都抽水㗎啦，睇開啲啦，有水俾人抽係好事。」
齊昕登上大銀幕，未算好巴閉，好似公民黨黨魁梁家傑嘅大女Jennifer，一早成為國際舞台嘅女主角，正隨著名劇團Shakespeare's Globe進行世界巡迴表演，嚟緊返倫敦開騷。袋巾計劃今個月十六至十八號飛去倫敦捧囡囡場，但機位緊張，𠵱家仍然喺waiting list咋。