何家駒不幸於上月二十七日因器官衰竭病逝，享年六十三歲。昨日在九龍殯儀館舉殯，其家人及好友曹查理一早到場打點，由於火葬場未排到期，靈柩要明天才移送歌連臣角火葬場，骨灰會安放鑽石山骨灰花園。曹查理表示要更正家駒正確出生日期是一九五一年三月十四日，六十三歲，並非之前報道所指的六十六歲。
揪嫌疑人
何家駒晚年靠登台拍戲賺取收入，據指所餘積蓄不多，不過曹查理昨爆料指家駒生前積蓄遭人提走，對方生前有筆保險金，將會由其胞妹接收，但在東莞的銀行戶口，就遭人以每次五千元的方式提走了，要待其妹領取死亡證及其他文件之後去處理。他並說：「由家駒上個月十九號入院開始，有幾筆大數，十幾萬，十幾萬咁提走咗，未知實質數目，𠵱家已經封咗個戶口，佢喺內地做嘢十幾年，估百幾萬實有。」有否嫌疑人物？曹查理說：「冇證據唔敢懷疑人，但有得家駒密碼都係佢信得過嘅人，早排家駒入院，我已經將大約七張卡交咗畀佢妹妹，等佢妹妹處理。」
不過曹查理卻暗示事件與家駒內地女友有關，他說：「提款事件發生後，佢女友畀訊息我，話如果有需要啲錢會拎返晒出嚟，可能家駒係打算留畀佢，但我唔知道，因為家駒走得太快，我哋都冇機會講。」
他解釋最初沒公開事件是為免打草驚蛇，想喪事辦妥後再說。當追問有關家駒女友身份時，查理卻迴避地說：「唔想講太多，覺得有得密碼同卡都係家駒心甘情願畀佢。」
採訪、攝影：卓寶花
