卓能（131）副主席趙式芝（Gigi）呢排好勤力，成日親身上陣賣樓，噚日佢又現身，華華今次發現佢手腕上戴住一隻黑色潮物Fitbit健身手環。
Gigi仲詳細解釋，原來呢隻手環可以記錄步行數量同埋睡眠質素，佢跟住拎埋部iPhone出嚟示範，指有個app可以同朋友互動，觀察大家每日行咗幾多步㖭。
不過Fitbit呢個牌子，早排俾政務司司長林鄭月娥戴過之後，喺fb話林鄭帶佢哋公司手帶，點知引發咗一場公關災難，有網民仲話要擺買，搞到Fitbit要拿拿臨刪除facebook帖。不過，Gigi手上面嗰條同林鄭嗰條唔同型號，電器舖賣緊千一蚊，貴林鄭嗰條二百蚊。
至於嚟緊二月十四情人節，Gigi就會放半日假去同楊如芯食飯。佢指，兩人都老夫老妻，唔會特登去搞乜驚喜嘢。