一直盛傳西環契仔謝偉俊（Paul）同自由黨漸行漸近，密斟入黨，佢噚日以嘉賓身份出席自由黨social Wednesday，大談自由黨定位發展，不過問到入唔入黨，佢話自己一向吊兒郎當，話趁白姐姐唔在場先打個比喻，事關佢連婚姻關係都唔係好喜歡，入黨又要跟Party line，唔係個個黨都好似公民黨咁，一個黨三條路線都得喎。自由黨主席鍾國斌話萬事有商量，笑言佢哋投票都好自由。阿Paul就覺得自由黨定位除咗要做一個型男靚女黨之外，仲要做好拉近一國兩制嘅路線，適時向北京say no，又要提醒港人唔可以一味本土，佢同自由黨意見一致，讚功能組別係好嘢。