瑞士上月與歐元「脫鈎」，大家仲倒數香港名錶幾時加價。誰知名錶界的「一哥」百達翡麗（Patek Philippe、PP）日前率先出手，調整全球手錶零售價，其中歐洲、日本市場就加少少，反而向來為「銷售重鎮」的香港就要減價，減幅最多達22%，震撼整個市場。
有投行朋友知道呢個消息，打電話來吹水。他說早年曾託sales幫佢搵一隻AP（Audemars Piguet、愛彼表）熱門款式，但好耐都無蹤影，連佢自己都唔記得咗。點知舊年個sales突然打番電話嚟，話搵到一隻，最後朋友見佢頗有誠意，都幫佢買咗。以往好似AP、甚至PP這種級數的名錶，根本坐係到咩都唔駛做，唔駛搵客、唔駛減價，大把內地客排住隊幫你買。現時？唔用盡10%折扣，其實已好難做到生意。
中國打貪，當然係香港奢侈品生意唔好的一個重要原因。但分析員朋友認為，如更長遠地看，其實互聯網急速發展，網購普及，早已令產品價格更透明；加上內地客近年出外旅遊頻繁，開始學習到名牌產品本身應該值咩價錢、邊度買比較抵，「精明」程度正急速上升。以前香港奢侈品就算賣貴啲，仲會有人湧入來買，畀你賺super profit，現在要「還原基本步」，回歸正常水平。這可能才是香港名店生意唔掂的更深層次原因。
海迪