傑志前日喺亞冠盃外圍賽次圈，作客有隊長盧均宜被逐下，以1:4不敵泰超勁旅春武里出局，黯然轉戰亞協盃，本月廿四號將會喺旺角場首戰對新加坡嘅馬里士他卡沙。首場亞協就要坐波監、噚日隨隊返到香港嘅盧均宜（圖）話︰「亞冠球隊速度比想像中快，但我哋首次出戰亞冠入到波，都算滿意。至於首場亞協缺陣，球隊都有足夠人腳應付。」在旁嘅中場林嘉緯則謂︰「首要檢討己隊嘅防守，今年目標係要比舊年躋身四強進步，希望可以殺入亞協盃決賽。」
至於傑志總領隊伍健亦承認，球隊要躋身亞冠行列，除咗避免防守上嘅犯錯外，人腳上亦有需要更換同補充，而佢仲為球隊定咗目標，希望二○一七年可以殺入亞冠分組賽。
識睇，一定係睇足英台【英波Live】：
http://soccer.appledaily.com
http://bit.ly/engballlive