證監會副行政總裁張灼華（Alexa）今個月底就退任，之不過退任唔等於退休，佢話將會接受另一個挑戰，就係執教鞭，重返母校香港大學教法律，回饋母校。
噚日Alexa為香港證券及投資學會講talk，分享對內地開放資本賬嘅睇法，席間有人問佢退任後有乜計劃，佢就笑住咁話，已經應承返母校教法律。會後佢補充，話無論係市場還是政府，都睇到培育人才好重要，佢希望教下一代培養新技能，等香港可以迎接新挑戰云云。
Alexa喺一九九八年就加盟證監會。原本舊年二月底就退休，不過有消息話政府希望佢搞埋中港基金互認安排先退下來。噚日佢話中港基金互認已經搞掂晒，只待正式公佈，終於功成身退。