【讚有義氣】
到底身兼導演同監製嘅劉俊輝，點樣打動到齊昕獻出銀幕第一次？劉導演向八方透露，同齊昕見過幾次面：「今次搵梁齊昕拍戲係機緣巧合，喺一個場合撞到佢，覺得佢有拍戲天份，傾傾吓先知道佢係特首個女，個人好有義氣。」坊間認為齊昕性格反叛，劉導演就話：「喺家庭壓迫下，細路女會反叛，有乜奇呀？慢慢教。」
查實呢位劉導演喺六十年代末期加入邵氏做特約演員同武師，之後兼任動作指導。
一九九○年劉俊輝自組三寶影業公司，以拍江湖片同三級片聞名，曾經出品同監製嘅電影包括《三度誘惑》、《四度誘惑》及《人頭豆腐湯》，又執導過三級片《根太軟》同《護花情迷》。
劉導演大爆，齊昕喺呢套戲有「床上戲」，但大家唔好諗歪，「床上戲只係佢喺床上食嘢！冇乜嘢，戲中角色好正面、唔係反派」，但透露齊昕有着比堅尼嘅戲份喎。