星期六就係情人節，唔少男士為𠱁另一半開心已經絞盡腦汁，港交所（388）行政總裁李小加今年就少咗𠵱個煩惱，事關佢嚟緊要一支公過情人節呀。小加話佢老婆大人要同寶貝女飛去外國面試，今日就出發，所以情人節佢要自己一個人過。
小加嘅情人節冇老婆喺身邊，聽落好似有啲孤獨，但都唔一定係壞事，佢舊年忙住搞滬港通，今年又有深港通要處理，相信冇乜時間休息，今次或者畀機會佢趁機唞一唞。
雖然小加要自己一個人過孤獨嘅情人節，但係農曆新年就會有好多人陪佢一齊過。小加話，佢今個新年唔會出外遊埠，留港過羊年，佢嘅父母同埋外父、外母都會嚟晒香港，齊齊共聚天倫，過番個熱熱鬧鬧嘅農曆新年咁話。