沈集成馬房嘅「無敵猛將」上季喺一哩攞到三冠一亞兩季佳績，中距離實力絕對毋須懷疑，不過全力拼搏嘅後果，當然係換來回氣期較長，今季佢仍未重開勝門，早排更因為被驗出含有禁藥，搞到排位後退出，沈集成因此被罰二萬蚊，認真慘情。
家陣呢匹馬體內嘅禁藥，要痾嘅都痾晒出嚟，已經係清白之軀，可以喺周三晚（11日）復出上陣，跑第二場四班一哩。有樣嘢大家要留意，上季佢三捷後升至55分，跟手到現在連輸八場未勝，目前仍然係55分，固然可以話評分欠利，但換一個角度，評磅員揸得咁緊，多少反映認為「無敵猛將」只係暫時性低潮，隻馬根本仲有進步空間，冇減分必要。事實上今季初佢曾跑第三，只係輸條頸，戰鬥力不容忽視。
仲有一樣嘢，今朝「無敵猛將」加課後，沈集成趕到接馬，做咗一件好特別嘅事，究竟佢做乜呢？唔講咁多啦，大家一於去片，click入去睇睇！