二○○三年抗疫時走在最前線嘅中大校長沈祖堯，身為醫生能醫不自醫，喺流感高峯期病倒了。
噚日一個有關大學生參與社區嘅研討會，由中大副校長許敬文致辭，唔少在場人士好奇怪，活動明明請咗祖堯BB做主禮嘉賓，點解會係許敬文現身？許敬文自己解畫，話沈祖堯患上感冒，出席唔到，所以由自己替補上陣。
許敬文仲笑笑口話，𠵱家病菌好惡，就算係醫生都會患病，唔通係講緊祖堯BB？八方噚日打過畀中大發言人，想了解多啲校長病況、有冇請假？
發言人只係話校長感冒、缺席噚日活動，其他冇補充，可能怕病中嘅校長受滋擾，八方在此都祝祖堯BB多多保重。