渣打（2888）行政總裁（CEO）冼博德被迫宮落台在即，跑馬仔人選眾多，市傳星展集團CEO高博德都係大熱之一（因為兩間銀行架構相似），不過佢噚日就自爆話:「冇人搵我做渣打CEO喎。」
高博德亦表露心迹，話冇人接觸過佢之餘，自己喺星展又做得好開心，對渣打CEO呢份工冇乜興趣咁話。
有一點值得留意，就係星展同埋渣打嘅最大股東，都係新加坡政府投資旗艦淡馬錫，如果高博德俾挖過去渣打，星展內部都會地震，而佢過檔渣打，對渣打係咪真係有咁大幫助又係一個問號，大股東淡馬錫又點會咁蠢，畀呢件事發生呢？
睇番其他人選，有人話萊斯行政總裁奧索里奧、滙豐英國行政總裁司馬安都有機會㗎。