祖兒上月驚現千嬅演唱會，兩位一代樂壇天后的所謂「宿怨」終於化解；當中原因有很多，一來是各自的另一半係老友，最主要係大家已經乜獎都贏過。黎明出席劉華演唱會、譚校長同哥哥合唱，都係大家已達至爭唔爭都冇所謂的境界，先有條件破冰。我是和平主義者，最愛看宿敵和解；但欠了宿敵間的恩怨鬥爭，世界又不夠精采，好矛盾。
C朗美斯恩怨何在
壇宿敵呢？似乎難解過樂壇宿敵很多。現今球壇最大宿敵莫過於C朗與美斯（圖）。二人由球會的聯賽、西班牙盃甚至歐聯；到個人的神射手、金球獎、誰是「世上、銀河系、全宇宙最佳」……，全部都係直接競爭對手，勢成水火似乎天經地義。
然而，我卻這樣看：二人場內未試過開拖打交、場外冇公開罵戰，所謂的敵對，會否有五成（甚至更多）是因傳媒炒作「造成」？C朗公開話自己係世界最佳，就俾傳媒話佢暗踩美斯；咁佢性格係外向有自信，認叻就等於「憎人」咩？
打吡戰前美斯握手唔望C朗喎！傳媒又大肆撥火；咁美斯性格係低調內向，做訪問都唔多望記者，比賽前唔想望C朗又唔得咩？兩位肯定唔係friend，但「朋友」同「仇敵」之間，我相信其實有很多空間。睇吓二人退役後的紀念賽，會否夠薑邀請對方出席？
方栢翹
now足球評述員