曾幾何時，日本偶像喺亞洲大有市場，尤其尊尼事務所旗下男星更加係粒粒巨星，好似近藤真彥、木村拓哉、瀧澤秀明，迷盡唔少亞洲粉絲。但係隨住K-pop界偶像崛起，令到身高比較輸蝕嘅東洋男星開始冇碇企，好似最近一項針對尊尼偶像嘅醜男選舉，一班介乎二十七至三十三歲嘅日本女士反應熱烈，而投票結果亦唔算意外，就係由SMAP嘅四方面成員草彅剛當選冠軍，佢嘅得票率佔24.7%，相信大家都對呢個由三百人選出嘅賽果都冇乜異議。
至於尊尼力捧男團Kis-My-Ft2，出晒名係圈中最醜嘅偶像組合，成員北山宏光、橫尾涉、宮田俊哉就順次序高踞呢次選舉嘅前四位，就連隊中主將藤谷太輔同埋玉森裕太，都分別排第七及第十五位，慘成公認嘅最醜男團，事務所方面真係要檢討一下！
撰文：李村姑