大家都知中環ifc嘅國金軒係恒基地產（012）主席李兆基（四叔）嘅飯堂，恒地總部喺ifc，四叔不時都會落去國金軒食番餐，聞說佢嗰位「千億新抱」徐子淇有時都會幫襯，𠵱家菜牌上面有一款甜品仲係徐子淇嘅idea㖭。
呢款徐子淇建議師傅做嘅甜品叫荔枝蓉燉奶，六十蚊一碗。話說呢款甜品原先只係普通燉奶，徐子淇唔知喺邊度食過有荔枝蓉嘅甜品，喺國金軒食燉奶時，就建議師傅不如加啲荔枝蓉落去，效果又出奇地配搭到，於是就成為菜牌上其中一款甜品。
𠵱家要搵荔枝肉都好容易，夏天當造時固然有大量甜荔枝供應，平時都可以用罐頭，所以要一年四季提供呢款甜品都唔難。最緊要係千億新抱嘅至愛，話唔定徐子淇皮膚咁白滑，其中一個方法就係食佢。