自由黨「精神領袖」田北俊自從去年叫梁振英考慮辭職後，被中央「搣柴」後，可謂無官一身輕，寸嘴常在，佢前日喺facebook，暗寸工聯會王國興同新民黨葉劉淑儀：「立法會日日嘈嘈閉，有議員情人節係都要加會同張宇人過，亦有議員連唔見五十萬都唔知，淨係識候（吼）住特首寶座，我就話落區同市民拜個早年好過！」田少同時上載咗張自己落區相呃like。葉劉回覆八方話，唔想回應田嘅揶揄，佢會唔會嬲咗田少，就由公眾來評理：「呢兩日落東區、南區、屯門區，好多市民都上嚟問候我，知道我失而復得，話我好心有好報。」葉太話：「田生一年收租都收幾億啦，我唔見五十萬，等於佢唔見五蚊」。