特首梁振英囡囡齊昕接受有線娛樂台訪問，踢爆CY唔知facebook是甚麼，禁止她在fb交朋結友，fb仲一度失去齊昕嘅消息，不過佢又似乎未至於好似齊昕咁講，唔識後生仔網上文化。
好似CY噚日出席願景基金會嘅閉門活動，願景基金會主席甄韋喬話，CY有同出席活動嘅年輕人玩自拍，有份出席活動嘅人士，提供閉門活動嘅自拍照畀傳媒，睇嚟同CY用神器玩自拍都玩得好開心。唔知係咪傳聞齊昕被佢送走咗，所以CY暫時輕鬆晒。
坐喺CY旁邊嘅義工代表圓圓話，CY話希望設立一個平台同青年人對話，主要係畀義工反映對服務嘅意見同漏洞，加強義工同政府嘅互動交流。