恭喜多蒙特，嚟到德甲第二十輪，終於贏到今季第五場波脫離榜尾嘞！蜜蜂兵團上周六作客以3:0贏咗護級對手弗賴堡，以一分之差壓過史特加同弗賴堡，暫時以十九分排尾三，有機會留班。
贏波固然係全隊球員嘅功勞，但我求大俠特別要讚吓三個入波都有份貢獻嘅奧巴美揚（圖）；第一球佢助攻畀馬高列奧斯射入，下半場就自己入番兩球威吓。仲記得多蒙特上場主場輸畀奧格斯堡，賽後教練高路普帶住成隊球員向球迷道歉，維丹費拿同曉姆斯仲去場邊圍欄安撫佢哋，我求大俠睇見都覺得心噏。嚟緊周六返主場對緬恩斯，希望佢哋可以贏多場，畀班主場球迷開心吓啦。
另外，重返德甲嘅舒賀爾尼（小圖），上周六加盟禾夫斯堡後第一次落場，禾堡即贏賀芬咸3:0，認真好腳頭喇。
識睇，一定係睇足英台【英波Live】：
http://soccer.appledaily.com
http://bit.ly/engballlive